TACLOBAN CITY– Malinampuson nga na-rescue an tumaob nga motorized bangka ha Dimasalang, Masbate Port nga pakadto unta ha Munisipyo han San Vicente, Northern Samar.
Natabo an search and rescue operation ha baybayon han Cadulan, Dimasalang Masbate.
An mga pasaheros in usa nga mag-asawa ngan mga residente han San Vicente Northern Samar, ngan sugadman usa nga residente han
Sitio Himomoro Purok 7 Pinisajan.
Sumala kan San Vicente Municipal Municipal Fire Station, SFO2, Alipio Alegre, nga naka-karawat hira hin tawag nga mayda pribado nga motorized bangka an tumaog ngan nagkikinahanglan hin bulig, kun diin dayon naman an mga ine nga rumesponde.
Dugang pa ni Alegre, haros usa ka-oras nagpalutaw-lutaw an mga biktima ha kadagatan, ugsa an mga ine nga ma-rescue.
Pag-abot nira ha area, naabtan nira nga gin-rerescue na an mga ine han Dimasalang MDDRMO, ngan coast guard han Masbate.
Nabaruan nga nagkamayda hin buho an nasabi nga motorized bangka, rason kun kay-anu ine tumaob.
Waray naman may nasamaran o nahibang ha nasabi nga panhitabo, ngan talwas an mga ine nga na rescue kaupod an ira mga higamit.
An nasabi nga operasyon in ginpag-usa nga pagburublig tikang ha Philippine Coast Guard Dimsalang, MDRRMO Dimasalang first responding team han MDRRMO San Vicente, San Vicente FS Personnel.
Courtesy | Dimasalang Coast Guard ,MDRRMO Dimsalang, MDRRMO San Vicente,San Vicente FS
