TACLOBAN CITY — Arestado an tulo nga kalalakin-an nga nagpapataya hin iligal nga swertres ha magkabulag nga operasyon nga gindumara han mga kapulisan ha magkadurudilain nga bungto han probinsya han Leyte.
Ini in ha kaluyo han mahugot nga gindudumara nga monitoring han Leyte Police Provincial Office (LPPO) ha mga iligal nga nag ooperate hin STL ngan iba pa nga numbers game tungod han nagpapadayon an suspension order hini.
Sumala kan P/Maj. Margarito Salaño, PCR han LPPO, nga ginkilala an mga nadakop nga hira Edgardo Matutina residente han Kananga Leyte, Jopet Bargan residente han Leyte-leyte ngan Pedro Ong han Javier Leyte.
Nakumpiska ha mao nga mga suspek an pira nga mga tip money ngan ticket nga ira gingagamit ha pagpapataya.
Nanawagan naman an mao nga opisyal an publiko nga padayon la nga makipag koordinar ha ira ngan magreport kun may nahisasabutan nga nag ooperate nga STL o iba pa nga klase hin numbers game.
