Gin anunsyo han Land Transportation Office (LTO) an tulo kabulan nga extension para ha ngatanan han mga lisensya han driver ngan magre-rehistro han sarakyan nga nakatalaan mag-expire, kasunod han direktiba ni Presidente Ferdinand Marcos Jr.
Subay ha LTO, sakop han pitad an mga dokumento nga mage-expire tikang Abril 2026, kun diin pwede ini ig extend kutob tulo kabulan hin waray multa o penalidad.
“In line with the directive of President Marcos Jr. and pursuant to the declaration of a State of National Energy Emergency, the Land Transportation Office (LTO) announces the extension of validity… for a period of three (3) months,” subay ha ahensya.
Panuyo han polisiya nga matagan hin ginhawa an publiko ha butnga han paghitaas han presyo han gasolina ngan iba pa nga pangunahon nga papliton.
Sakop han extension an driver’s ngan conductor’s licenses, student driver’s permits, ngan rehistro para ha mga sarakyan.
Subay pa ha ahensya, ha sulod han extended perios in dire gihapon susukton hin kadugangan nga kabaraydan an mga motorista para ha late renewal.
Duon han LTO, an pitad in agud maibanan an pas-anon han publiko ngan matagan hin sakto nga panahon agud makag-renew han ira mga dokumento hin dire naaapektaran hin kadugangan nga gastos.
