Nagin mapaso an pagdungog ha Senate Impeachment Court mahuman kondinahon ni Senator-Judge Raffy Tulfo hi Office of the Vice President Assistant Chief of Staff Lemuel Ortonio kasumpay ha mga kuwestyonable nga acknowledgement receipt han iya ahensya.
Direkta nga ginkuwestiyon ni Tulfo hi Ortonio kun kay-ano waray man la ini ginpanginano an mga ngaran nga nakabutang ha mga resibo ugsa pirmahan an mga kaangayan nga dokumento.
Gintagan-duon gihapon han senador ha opisyal kun napiyong ba ini nga napirma hadto.
Sumala ha senador, imposible nga waray kapansin han opisyal an mga iregularidad mahitungod nga labot la paprehas an mga nakabutang nga kantidad, kakaiba ngan kuwestyonable gihapon an mga ngaran nga nakabutang ha resibo.
Utro gihapon nga ginmalatuma than senador an “blind loyalty” han pira nga opisyal ha ira buhatan, rason agud dayon nga magpakabuta-bungol ha mga sayop ngan iregularidad.
