-- Advertisements --
NATIONAL NEWS– Ginkalipay ni Trade Union Congress of the Philippines (TUCP) Party-List Rep. ngan Deputy Speaker Raymond Democrito Mendoza an pagpasa han urhi nga pagbasa han dugang nga P200 ha inadlaw nga sweldo han mga minimum wage earners ha mga private companies.
An House Bill (HB) No. 11376 in nakakuha hin 171 nga botos ha urhi nga pagbasa hine.
Subay ha manbaralaod nga an nasabi nga pagpasa han balaod in nagpapakita hin kadaugan para ha mga minimum wage earners.
Naglalaom ine nga dayon maaprubaran ha senado ngan mapipirmahan gihapon ni Pangulong Ferdinand Marcos Jr.
