INTERNATIONAL – Ginpahayag ni US President Donald Trump dida han Martes han gabi oras ha Amerika an plano nga pagsakop ha Gaza Strip pagkahuman maitransfer an mga Palestinian ha mga kahirani nga nasud.
An mao nga plano, in kasunod han usa nga joint press conference kaupod hi Israeli Prime Minister Benjamin Netanyahu, kun diin magbabago ha mga patakaran han US maypaghisumpay ha isyu han Israeli-Palestinian conflict.
Ginmalatumat pa ni Trump nga an Gaza Strip, kumo usa nga “demolition site.” Ginmalatumat niya nga kun maibalhin na ngan ma-evacuate an mga Palestinian, an US in mangunguna ha pag-ayad tikang ha mga nabibilin nga bomba ngan armas ha mga gyera ngan pagmamanguluhan an pagbakdaw han ekonomiya han rehiyon.
Dugang pa ni Trump nga panuyuan gihapon niya nga himuon nga usa nga maribhong nga lugar an Gaza, kun diin magtitindog ini hin yinukot-yukot nga mga trabaho nga amo an magduduso ha pag-ursa ha ekonomiya hini nga magigin usa nga modela ha middle east.
Samtang, gindayaw naman ini ni Netanyahu ngan ginmalatumat nga usa ini nga bag-o ngan presko nga ideya.
