-- Advertisements --
INTERNATIONAL NEWS– Utro nga nagkahimangraw hi US President Donald Trump ngan Russian President Vladimir Putin.
Subay ha White House, ine na an ika-6 nga higayon nga nag-istorya an duha tikang han lumingkod an mga ine ha ira pwesto.
Pira ha mga napaghimangrawan han duha nga lider an kasumpay ha Ukraine ngan an sitwasyon ha Iran.
Ginduso naman ni Trump an himangrawon pankamurayaw ha butnga han Russia ngan Ukraine kun diin kinahanglan na nira nga bumaton ha dagmit nga panahon.
Ginpaangbit naman ni Yuri Ushakov an Foreign Affairs Adviser ni Putin nga mabaton la hira ha peace deal kun mapatan na nira an kadaugan.
Manunumduman, makapira kabeses na nga ginpahayag ni Trump nga iya huhumanon an gyera ha butnga hiton Ukraine ngan Russia.
