INTERNATIONAL – Gin tawag ni US President Donald Trump nga usa nga ‘promising’ pero dire kompleto an nagin kabatunan ni Russian President Vladimir Putin ha iginduduso nira nga ceasefire ha Ukraine.
Ginpahayag ni Trump nga karuyag hine nga personal makaistorya hi Putin agud mapalaksi an nasabi nga pagduso han peace deal.
In kaso nga dire tumugot hi Putin ha iginduduo nira nga peace deal in maikokonsidera daw ine nga nakakadismaya.
Dugang pa hine, mayda mga pinal nga kasabutan an nahingadayan kun diin kinahanglan nga bumaton hine an Russia.
Manunumduman nga nagkamay-ada hin pagharampang an tinaglawas han US ngan mismo hi Ukrainian President Volodymyr Zelenksy ha Saudi Arabia ngan igin lataga an 30-day nga peace deal.
Nagpahayag naman hin pagkwestyon hi Putin kasumpay han iginduduso nga peace deal kun diin ginmalatumat hine nga dire ine napabor ngatanan ha Russia.
