WASHINGTON D.C., USA – Ginpahayag ni US President Donald Trump, nga andam la gihapon hiya nga atakihon an Iran, ha kaluyo han nalutaw nga kasarabutan ha butnga han Washington ngan Tehran.
Han ginpakianhan hi Trump kun magbubuhat ini utro hin airstrikes, ginmalatumat hini nga posible kun “magpinasaway” utro an Iran.
Sumala naman ha usa nga high rank official han Iran, an balaudnon nga ginsumite han Tehran, nga kutob yana in dire pa ginkakarawat ni Trump, in mag-aabri utro han shipping ha Strait of Hormuz ngan maghuhuman ha blockade han US kontra ha Iran.
Pautro-utro na nga ginmalatumat ni Trump nga dire dapat magkamayda hin nuclear weapon an Iran ngan ginpahayag niya nga dire hiya nalilipay ha pinaka-urhi nga “offer” han Tehran.
Samtang, ginmalatumat naman han foreign minister han Iran nga andman an ira nasud ha diplomasyon kun babag-uhon han US an approach hini.
