INTERNATIONAL – Ginaunsyo ni US Pres. Donald Trump nga iguundang na han Estados Unidos an mga pag-bomba kontra ha militante nga grupo nga Houthi nga aada ha Yemen, mahuman an 51 ka-adlaw nga gyera, ine an baton ha serye han pag-atake han mga rebelde nga grupo ha mga barko nga aada ha Red Sea.
Sumala kan Trump, dire na daw maato an rebelde nga grupo kun diin igrerespeto han US an ira pahayag ngan igundang na an pagbobomba.
Sugadman, waray pa klaro nga detalye an ginpagawas han US Defense Department kasumpay han tigda nga pagbabag-o han ha ira strategy.
Sumala ha mga opisyal, sobra 1,000 target na an naig ha operasyon, kaupod an mga kampo, bodega han armas, ngan mga missles han militante nga grupo.
Pumalag naman an Houthi ha ginyakan ni Trump nga dire hira maudang ha pag-atake, labi na ha Israel, kutob nga dire nauundang an “agresibo nga ginhimo ha Gaza.” Waray gihapon opisyal nga reaksyon an gobyerno han Israel kasumpay ha ginyakan han Houthi rebel.
Samtang, waray gihapon ginklaro ni Trump kun kaupod han kamanduan an padayon nga kasamok han Houthis ngan Israel, nga dida han nakalabay in nag bomba ha paluparan han Israel.
