INTERNASYONAL – Nagtarhog hi U.S. President Donald Trump nga maghihimo utro hin aksyon militar an U.S. kontra ha Iran kun ig-insister hini nga abrihan an Strait of Hormuz, usa nga panguna nga aragian han lana ngan papliton han kalibutan.
Ini nga pahayag ni Trump mahuman utro nga ig-anunsyo han Iran an posibilidad nga igsara an Strait of Hormuz.
Sumala ha Iran, waray matuman han Estados Unidos an ira mga saad nga may kalabutan ha pag-undang han gyera ha Lebanon, rason nga diri hira nag-iistorya hin mas sensitibo nga mga isyu sugad han ira nuclear program.
Ha luyo hini, ginpangunahan ni U.S. Vice President JD Vance an pakig-istorya ha mga opisyales han Iran, ha bulig han mga mediator han Qatar ngan Pakistan.
Gintagan gihapon niya hin duon nga karuyag la gihapon ni Trump nga magkamay-ada hin bag-o nga dayalogo bahin han relasyon han Estados Unidos ngan han katawhan han Iran.
Nagdig-on an Tehran nga diri ini maabante nga negosasyon, lakip na an mga butang ha ira nuclear program,hangtod nga diri pa naundang an giyera Lebanon ngan diri pa makakarawat an iginsaad nga mga benepisyo ha ekonomiya han nasud.
