INTERNATIONAL – Nagpahimatngun hi United States President Donald Trump han nakalabay nga Martes nga iibanan niya an pondo han Smithsonian Institution, nga kilala nga museo ha kasaysayan ngan kultura han Amerika.
Sumala kan Trump, an mao nga institusyon in nagpapasarang hin negatibo nga paglantaw kabahin ha kasaysayan han Amerika, labi na ha mga himangrawon kasumpay ha mga pagka-uripon.
Subay ha post ni Trump ha iya Trust Social, ginmandohan niya an iya mga abogado nga tikangan an pareho nga proseso ha ginbuhat hini ha mga kolehiyo nga mayda gintutu-ohan nga “tremendous progress.”
Nagpagawas naman hin pahayag an White House nga maglulunsar hira hin internal review ha pira nga museo han Smithonian kasunod han mga akusasyon ni Trump.
Samtang, ginkondinar han Civil rights advocate group an pitad ni Trump ngan iginpahayag nga an Smithsonian in may kalayaan nga magdesisyon bisan nakarawat pa ini hin pondo tikang ha Kongreso.
Kun manunumduman nga han naglabay nga mga bulan, nagbul-iw gihapon hin pareho nga tarhog hi Trump nga iibanan niya an pondo han mga unibersidad mahitungod ha mga isyu hin mga protesta kontra ha natatabo nga kasamok ha Gaza, katungod han mga transgender, ngan iba pa.
