WASHINGTON D.C., USA – Ginanunsyo ni US President Donald Trump dida han Miyerkules, Abri 1, 2026, ha iya Truth Social post nga humangyo hin ceasefire an Iran ha Estados Unidos, pero ginduon han Washington nga masugot la hira kun abrihon na an Strait of Hormuz.
Sumala ha post ni Trump nga mas baltok an bag-o nga presidente han presente nga rehime kumpara han mga nakalabay nga lider mahitungod nga umaro ini ha United States of America hin ceasefire.
Pero mahugot naman nga ginpanhimuwa han Iran an pahayag ni Trump. Sumala ha spokesperson han Ministry of Foreign Affairs han Iran, an alegasyon han ceasefire request in waray kamatuoran ngan waray basaran.
Manunumduman nga an bag-o nga Supreme Leader han Iran in hi Mojtaba Khamenei mahuman mamatay an iya tatay ha usa nga air strike dida han nakalabay nga bulan, samtang hi Iranian President Masoud Pezeshkian in nagsisirbe ha nasud tikang pa dida han Hulyo 2024.
