INTERNATIONAL – Gintawag ni US Pres. Donald Trump an plano ni Elon Musk nga maghimo hin bag-o nga Partido pulitikal nga gintawag niya nga “America Party,” nga ara ha Presidente in usa nga “ridiculous” o makatarawa ngan naghahatag la hin pagkalipong ha mga botante.
Sumala pa kan Trump, nga sakto na an duha nga Partido ha Amerika ngan dire magigin malinampuson an mga third party ha pagbug-os han mga sugad nga Partido.
An bag-o nga Partido ni Musk in kumo baton ha bag-o nga balaud han administrasyon ni Trump nga “Tax-cut ngan spending bill,” nga ginpirmahan hadto ni Trump nga ginkondena naman ni Musk mahitungod nga delekado ini ha ekonomiya han Amerika.
Manunumduman nga nagtikang an ira dire pagkaintindiyah mahuman mawara an green-energy redits para ha Tesla ha ilarum han bag-o nga balaud.
Nagtarhog gihapon hi Trump nga babawion an mga kontrata ngan subsidiya han Tesla ngan SpaceX.
Dugang naman ni Trump dire angay nga igtudlok hi Jared Isaacman, nga kaalyado ni Musk, kumo bag-o nga tagmangulo han NASA mahitungod ha conflict of interest.
