-- Advertisements --
Ginbawi ni US Pres. Donald Trump an iya tarhog nga pagpasaka hin 20% “reimbursement fee” ha mga kargamento han mga barko nga naagi ha Strait of Hormuz.
Ini in waray pa 24 ka-oras mahuman niya ini ig-duso dida han Lunes, Hulyo 13.
Imbes nga suktan an mga barko hin 20% fee, ginmalatumat ni Trump nga babalyuan ini hin kasarabutan ha trade ngan pamumuhunan tikang ha magkadurudilain nga Gulf States pakadto ha Estados Unidos.
Ginbuhat gihapon han US Pres. an pag-atras ha nasabi nga panukala mahuman magpahayag hin grabi nga pagkabaraka an mga nasud ha Gulf Cooperation Council nga nagkasarabot nga dire dapat butngan hin toll fee an pankalibutan nga aragian han lana.
