-- Advertisements --
INTERNATIONAL – Gin-akusaran ni US President Donald Trump an China hin pagtalapas han ira ginkasarabutan.
Nagkasarabutan an US ngan China nga temporaryo nga pahabuboon an mga taripa matapos an ginbuhat nga erestorya ha Geneva han nakalabay nga semana.
Dugang pa ni Trump nga an US Trade Representative nga hi Jamieson Greer in nagsumat ha iya nga waray pa matanggal han China an non-tariff barriers sugad han ginkasarabutan.
Umalma naman an China ngan ginmalatumat nga undangan han US an discriminatory restrictions hini ha ira.
Tungod hini, nababaraka an mga ekonomista han US nga posible utro nga magtikagrabe an tensyon ha butnga han US ngan China.
Mahinunumduman nga pareho nagpatuman hin hitaas nga taripa an US ngan China.
