TACLOBAN CITY – Kinahanglan anay nga makapalit hin ticket an mga truck nga tipa-Tacloban ugsa an mga ine makasulod ha syudad.
Sumala kan TOMECO Operation and Enforcement, Restituto Reglos, ine in agud makontrol an kadamo han mga truck nga masulod ha syudad.
Dugang pa ni Reglos, dire hira mapalusad han mga trucks kun waray an mga boarding pass o tickets nga ginpalit mahitungod nga kinahanglan daw in usa la kasakay han barge an papasudlon ha syudad agud makontrol an mga truck.
Ada naman ha 15 ngada ha 16 an sulod han usa ka-biyahe han barge.
Kun mayda na ticket, maagi an mga truck ha Anibong pakadto ha Quezon Boulevard kutob nga makaabot ha Tacloban Port.
Mababaruan mayda ginpapatuman nga Truck Ban Policy ha ilarom han Executive Order 2025-03-19 an syudad han Tacloban agud maibanan ngan malikayan an paghuruot han trapiko ha syudad.
Nagkasarabot naman an mga shipping lines nga magbutang hin ticketing booth ha may Bypass Road ha may Nula Tula, kun diin mayda naka-tindog na nga ticketing booth an duha nga kompanya han shipping lines nga nabiyahe tikang ha Amandayehan Port – Tacloban port vice versa.
