HILONGOS, LEYTE – Waray na kinabuhi han makit-an an usa nga truck driver ha sulod han iya ginmamanihuan nga truck ha Purok 3, Barangay Protection, Hilongos, Leyte dida han nakalabay nga adlaw.
Ginkilala an driver kan alyas Jerry, 49-anyos, ngan residente han Barangay Combado, Maasin City.
Sumala kan Hilongos Municipal Police Station Chief of Police, PMaj. Ambrocio Demain, subay ha istorya han kaupod hine, ginsangpit hine an biktima mahitungod nga magde-deliver na unta hira han pero makatulo ka-beses na daw ine nga nagsasangpit pero waray ine magmamata, sanglit nagtawag na ine hin bulig.
Ha pag-abot han nagresponde, ginkumpirma han mga ine nga waray na pulso an biktima.
Nagawas naman ha imbestigasyon nga waray foul play an panhitabo mahitungod nga waray senyales hin away o kasamok ha sulod han sarakyan ngan maupay an kabutang hine ha iya ginhihigdaan.
Waray naman na magdumara hin autopsy examination ha lawas han biktima subay ha gihapon ha hangyo han pamilya, mahitungod na gihapon nga aware an mga ine nga mayda gin-aabat nga sakit an biktima.
