Ginmalatumat ni Sen. Panfilo Lacson nga subay ha pauna nga findings han mga imbestigador, posible nga “trigger-happy” nga aksyon han usa nga membro han Senate Office of the Sergeant-at-Arms (OSAA) an nagin rason han pagduro han insidente han pamusil ha Senado dida han Mayo 13.
Sumala kan Lacson, nagawas ha initial findings han Philippine National Police ngan han CIDG nga an OSAA personnel an syahan nga nagpabuto hin pira nga susrunod ng bala. Sugadman, gin klaro niya nga dire pa pinal an resulta han imbestigasyon.
Waray na ngarani kun hin-o an gintutudlok nga personnel, pero manunumduman nga gin amin ni suspended Senate Sergeant-at-Arms Mao Aplasca nga hiya an syahan nga nagpabuto hin warning shots ha insidente.
Gin malatumat ni Lacson nga kumo anay imbestigador, importante nga panginanuon ha anuman nga kaso an tulo nga elemento: means, opportunity, ngan motive. Dugang pa hini, an motibo an usa ha mga pinakaimportante nga salik ha paghibaro ha tinuod nga panuyo ha luyo han usa nga insidente.
Dugang pa, kun magdudumara man hin pagdungog an Senado, kinahanglan ini tumutok ha mga remedial measures ngan mga pitad agud malikayan an pag-utro han kaparehas nga insidente, samtang an imbestigasyon ha posible nga pagbaton ha kaso nga kriminal in iginpaumaya ha mga law enforcement agencies.
