BALITA ESPESYAL – Usa nga panibag-o ng world record an nahiaptik han China mahuman maabot han ira pinakabag-o nga maglev train an kadagmit nga 700 kilometers per hour ha sakob la han duha ka-segundos.
Ha usa nga test run nga ginbuhat han mga researchers tikang ha National University of Defense Technology, malinampuson nira nga napadagmit an tren nga natimbang hin usa ka-tonelada ha usa nga 400-meter track.
Ha sobra nga kadagmit han panhitabo, ginkumpara an pagdalagan han tren ha kidlat nga haros dire na masundan han mata.
Para mas ma-imagine kun ano an kadagmit hini, akos nga umulpot an tren tikang ha Tacloban City ngadto ha Calbayog City ha sakob han 20 ka-minutos.
Nagamit an tren hin superconducting magnets agud lumutaw ha riles, rason agud haros mawara an frictio ngan makab-ot an ultra-high speeds.
An nasabi nga kalampusan in nalahusan pa an nauna nga record nira hadto nga 648 km/h, nga gintutudlok nga dako nga pitad ha pag-ursa han high-speed rail technology.
Ginklaro naman han mga dalubhasa nga an nasabi nga tren in aada pala ha experimental testing phase ngan dire pa abri para ha pampubliko nga biyahe.
