TACLOBAN CITY – Nakatalaan nga abrihan an pagdudumaraon nga Trade Fair ha usa nga dako nga mall hiton syudad kun diin pangungunahan iton opening hiton DTI-Leyte Provincial Office.
Sumala kan Aivi Borbon-Ancheta, Information Officer hiton Department of Trade and Industry (DTI) Regional Office 8, an nasabi nga trade fair in ginbubuhat han nasabi nga ahensya kada tuig pag-aabot hiton bulan han Hunyo kund diin ginseseleberar iton kapatrunan han syudad.
Magtitikang naman ine ngada hiton maabot nga Biyernes, Hunyo 23, ngan maghuhuman dida hiton Hunyo 27.
Kakalakipan naman an nasabi nga trade fair hin magkaduru-dilain nga mga Micro, Small, and Medium Enterprises (MSMEs) tikang ha Leyte ngan makikit-an ha nasabi nga trade fair an magkaduru-dilain nga mga baligya, food ngan non-food items.
Gin-aaghat naman hine an mga Taclobanon nga bisitahon an Trade Fair ha dako nga mall ha Marasbaras, Tacloban.
