HEALTH NEWS – Malipayon ka ba ha imo relasyon ha imo uyab o asawa? Mas damo pa ka bombo an iyo away kaysa han kalipay?
Mahimo nga ada ka ha usa nga toxic nga relasyon.
Ngan diri ka maaram nga naapektuhan na an iyo panlawas – ha pisikal ngan mental nga aspeto kun ikaw in ada ha toxic nga relasyon.
Sumala kan Linda Weinberger, professor ha clinical psychiatry and behavioral sciences ha Keck School of Medicine ha University of Southern California, an healthy relationship an naghahatag ha imo hin kalipay ngan nagpapa energize ha imo samtang an toxic nga relationship naman in naghahatag ha imo hin depression ngan kalain han imo buot.
Kun ikaw in ada ha toxic nga relasyon, dako an imo risgo nga makag angkun hin heart problems ngan mahimo nga fatal nga heart attack.
Kasumpay hini, nahitaas liwat an imo blood sugar levels tungod han high blood pressure.
Ini liwat in nagpapaluya han immune system ngan madali ka nga kapuyon.
Kun diri kana ginrerespeto ha imo partner, ngan pirmi nga ginsususnan an imo ginhimo ngan kulang na an iya pagtapod, kulang ha komunikasyon, ginpapasakitan pisikal ngan emosyunal sumala kan Weinberger nga amo ini an makakaguba ha iyo relasyon.
Sumala hini nga deserve mo man gud an usa ka healthy relationship nga kun diin nga duha kamo an nagrerespetuhay ngan gintratrar ka hin maupay han imo partner.
