TACLOBAN CITY – Igindederi pa pagbisita an mga international tourists ha mga tourist spot ha Palompon, Leyte pero abre na an mga ini ha mga national tourist.
Sumala kan Jun Veliganio, Public Information Officer han Palompon Leyte, pwede na makasakob an tanan nga mga tourista nga nagtikang ha bisan diin nga parte han Pilipinas basta fully vaccinated na an mga ini.
Pwede la naman makasakob an mga foriegn tourists basta mayda han mga ini kaupod nga mga Pilipino pasakob ha mao nga lugar.
Samtang, 50% la gihapon an gintutugot nga makasakob ha mga tourism sites sugad han isla han Kalanggaman matungod nga kinahanglan la gihapon hira magsunod ha mga health protocols.
Nagpahimatngon naman ini ha ngatanan nga karuyag bumisita ha ira lugar nga magpa-book nala nga daan ngan igpabilin an pagsunod ha mga ginpapatuman nga aludayday han ira lugar.
