TACLOBAN CITY – Nangangandaman na an pira nga mga pamasyadahan han Eastern Samar, para ha mga ti-arabot nga summer season.
Sumala kan Niel Pinarok, Provincial Tourism Officer han Eastern Samar, nagkamayda na hin orientation an mga tourism officers ngan gin-aandam na ha pagkayana an mga tourist destinations para ha mga turista nga madayo ha mao nga Probinsya.
Nagkamay-ada na gihapon pulp light ha may Borongan City ngan nag preparar na para han iba pa nga mga bibisitahon hiton mga katawhan.
Subay han mao nga opisyal, kahuhuman pala han mga ginhimo nga workshops kun diin nag imbitar hin mga speaker ha DOT Region-8, para ha pagpreparar ngan magin andam an magkalain-lain nga LGU’s han ira mga tagsa-tagsa nga tourist destinations labi na an mga bag-o pala nga nagkakadedevelop.
Ginlalauman naman ha mao nga buhatan nga madamo ngan makaka-aghat an mga ine han mga turista nga mabisita.
