TACLOBAN CITY – “Focus sa posibility, hinde sa disablity.” Ine an mga pulong nga gin paangbit ni Cyril Blanco Bergado, usa nga totally blind ngan visually impaired nga LET taker nga nag-uukoy ha Brgy. San Isidro Mahaplag, Leyte.
Waray naman makabalaong an kapansanan hine nga maningkamot ngan maipasara an usa nga ha mga pinakamakuri nga exam ha nasud, an Licensure Examination for Teacher o LET.
Sumala kan Cyril Blanco Bergado, grade-4 hiya han madiagnose hin open-angle glaucoma an iya kanan nga mata. Samtang, 2011 naman han second year High School ine han mawara an pangitaan hine nga gindeklara han doktor nga totally blind na an mga mata hine.
Waray naman kawarayi hin paglaum hi Cyril nga makakab-ot hine an iya hingyap nga magin usa nga maestra.
Pinaagi han bulig han usa nga non-government agency ha Baybay City, Leyte nga nabulig ha mga visually-impaired individuals ngan mga maestra hine in nakuha hine nga makompleto an kurso nga education ha kolehiyo pinaagi han special education ngan alternative learning system.
Ha pagkayana in plano ni Cyril nga magin maestra para ha mga totally blind ngan mga visually impaired nga estudyante.
