-- Advertisements --
TACLOBAN CITY – Ginpahayag han Police Regional Office 8 (PRO 8) nga maabot pa ha 20 an ihap han mga active cases han COVID-19 ha han-ay han mga kapulisan ha bug-os nga rehiyon.
Sumala kan Pol. Lt. Col. Maria Bella Rentuaya, tagapagyakan han PRO 8, tikang han pagbutho han pandemya han naglabay nga tuig, maabot na ha 497 an kabug-usan nga ihap han mga kapulisan nga naigo han COVID-19.
Ha mao nga ihap, 475 na an naupay o nakarekober samtang labot la ha 20 nga active cases ha pagkayana in mayda naman duha nga police personnel nga nakapailarom ha strict isolation.
Waray naman nahipatik nga namatay ha han-ay han mga kapulisan ha rehiyon tungod han mao nga sakit.
