TACLOBAN CITY: Padayon an ginhihimo nga monitoring han Traffic Engineering Team hiton Traffic Operation Management Enforcement and Control Office Tacloban (TOMECO), ha mga pedestrian lane kasumpay na gihapon ine ha nagtitikaharani nga pag-abre han klase ha adlaw hiton Lunes.
Sumala kan Jobs Lagutan, Chief Enforcement and Operation Department Division TOMECO nga ha pagkayana, maninintar an ira buhatan agud nga magin visible ine ha mga tumarabok, partikular na ha estudyante.
Ginpatapod naman hine nga mag-bubutang an ira buhatan hin mga tinaglawas ha kada eskwelahan agud nga makag-asister ha mga estudyante pananglitan an mga ine in matabok ha karsada.
Padayon naman an ira berepikasyon kasumpay ha mga discount nga ginpapatuman para ha mga estudyante, matungod nga damo an nagpapadara hin reklamo ha ira buhatan nga dire an mga in nakaka-kuha hin discount lugod nagigin overcharging.
