TACLOBAN CITY – Nagdumara na naman hin clearing operation an Traffic Operations Management Enforcement and Control Office (TOMECO) ha downtown area han Tacloban.
Sumala kan Jobs Lagutan, Head han TOMECO Traffic Engineering Divison, damo na naman nga mga vendors an nagkakabalik ha mga sidewalk ha downtown areas nga haros malukop han mga ini an aragian.
Damo na an ira natagan hin warning sugadman gintatag-usa-usa gihapon nira pagkumpiskar han mga epektos han mga pasaway nga mga vendors nga duro na an pagtalapas ha mga ginpapatuman nga mga aludayday han siyudad.
Naghahatag an City Government han Tacloban hin mga pwesto agud makapagpakabuhi an mga magtirinda pero nagkakamayda hin refusal matungod nga deri matawo an area nga gin-alotaga.
Nagpapadayon naman an hangyo ngan panawagan han mao nga buhatan ha publiko hin koordinasyon ha ikakaupay han siyudad.
