TACLOBAN CITY—Ginpahibaro han Traffic Operation Management Enforcement and Control Office Tacloban (TOMECO), nga magkakamayda an ira buhatan hin Safety Seminar ha maabot nga Octobre 14-30, 2024.
Sumala kan Jobz Lagutan, Chief Enforcement and Operation Division Tomeco, an mga mapartisipar han nasabi nga Safety Seminar, adton mga tanan nga transport operators/drivers han PUJ ngan MCH nga nanbibiyahi ha syudad hiton Tacloban.
An nasabi nga seminar in pagdudumaraon ha Tacloban City New Bus Terminal, Abucay, kun diin lilimitaran la nira hin 400 nga mga attendees ngan pagtutunga-on ine ha duha kaparte, 200 hiton aga, ngan 200 naman hiton kulop.
Panuyo hine nga seminar, in agud nga magamit han mga drivers and operators kumo usa nga requirement para han renewal han business permit ha tuig 2025.
Ginmalatumat naman ni Lagutan, nga kinahanglan mag seminar an drivers ngan operators, agud nga magkamayda an mga ine hin kadugangan nga hibaro ha mga ginpapatuman nga aludayday hiton trapiko.
