TACLOBAN CITY– Ginsigurado han Traffic Operation and Management Enforcement and Control Office (TOMECO), nga andam an ira mga tinaglawas agud nga mag asister ha pagdudumaraon nga parada para hiton EVRAA 2025 buwas nga adlaw.
Sumala kan TOMECO, Operation and Enforcement, Restituto Reglos, nga andam an ira tinaglawas nga mag-asister agud nga dire magkamayda hin duro nga trapiko an syudad ha mao nga parade.
Dugang pa ni Reglos, gin-aabisuhan an publiko, partikular na adton mga motorista ngan mga may pribado nga sarakyan, nga lauman nga posible maka-abat an mga ine hin traffic.
Ginmalatumat naman hine, nga mayda gihapon hira nagpaka assign ha mga billeting areas han mga division, kasugbong an pira nga mga kapulisan.
Nagpahimatngon naman ine ha tanan nga mga namamasaheros nga dire singabuton an higayon nga manukot hin hitaas nga pamasahi ha mga pasaheros nga dire taga-tacloban.
Mababaruan, nga ginlalauman yana nga adlaw an pagka-abot han tanan nga mga delegasyon nga makiki-usa ha prestihiyuso nga paisan-isan an EVRAA 2025.
