ENTERTAINMENT – Utro nga ginpamatud-an ni Tom Cruise an iya dedikasyon ha paghimo hin pelikula mahuman hiya makilala han Guinness World Records tungod han pelikula nga “Mission: Impossible – The Final Reckoning”.
Ha iya intense nga stunt, unom ka beses hiya nga linmukso tikang ha helicopter samtang naglalaga an iya parachute.
Sumala han Guinness World Records, hi Cruise an nakapot han record para han titulo nga “most burning parachute jumps by an individual”.
Ha kada paglukso, ginpupuno hin gasolina an parachute ngan ginsisindihan ugsa hiya lumukso. Samtang aada ha kahanginan, kinahanglan utdon ni Cruise an nasusunog nga parachute ngan abrehan an iya backup parachute basi mabuhi.
Ginkilala hi Cruise diri la kumo usa nga aksyon nga bitoon kundi komo usa liwat nga tinuod nga pararisgo.
Sumala han Guinness World Records, ini nga achievement in testament han iya talagsaon nga kaisog ngan hingyap nga maghatag hin realistiko nga aksyon ha kada pelikula.
