NATIONAL – Nakatalaan nga magin ika-11 nga member state ngan ganap nga membro han Association of Southeast Asian Nation (ASEAN) an Timor-Leste ha masunod nga regional meeting ha Kuala Lumpur, Malaysia yana nga tuig.
Gin anunsyo ine ni Malaysian Prime Minister Anwar Ibrahim nga natindog nga chairman han ASEAN yana nga 2025, ha usa nga presscon.
Daw, magigin ganap na nga membro han regional organization an Timor-Lests ha ASEAN meeting nga pagbubuhaton ha bulan han Oktubre.
Pero gin klaro naman ni Anwar nga subject pa an nasud ha pagtuman hine ha usa o duha pa nga kondisyon ha ilarom han economic pillar.
Dugang pa han opisyal nga nakab-ot na han ASEAN an real consensus ha Timor-Lest mahuman damo nga sesyon han mga negosasyon.
Manunumduman nga syahan na nga kinilala han United Nation an Timor-Lests dida han 2002 ngan pormal nga nag-apply an nasud para membership hine ASEAN dida han 2011.
Ha presente, mayda 10 nga member states an ASEAN kalakip an Singapore, Malaysia, Indonesia, Brunei, Thailand, Vietnam, Cambodia, Laos, Myanmar, ngan Philippines.
