Gintagan-duon ni House legal spokesperson ngan private prosecutor Benjamin “Jay” Tolosa Jr. nga klaro na yana nga may direkta nga koneksyon hi VP Sara Duterte ha paggastos ngan liquidation han 125M confidential funds han Office of the Vice President.
Ginmalatumat ini ni Tolosa basar ha testimonya ha impeachment trial ni Commission on Audit auditor Roderick Wamil ngan presentation han liquidation report, disbursement voucher, accomplishment report ngan certification nga may pirma mismo ni VP Duterte.
Punto ni Tolosa, an namalatumat nga mga dokumento in nagtikang mismo ha OVP nga ginsumite nira ha COA kumo kaparte han liquidation report nga nagpapakita gingamit an nasabi nga salapi ha sakob la han 11-days o December 11 ngadto ha 31, 2022.
Duon ni Tolosa, klaro nga kinahanglan papagbatonon hi VP Duterte kun magawas ha trial nga may sayop ha paggamit hini han confidential funds ha iya buhatan.
