NATIONAL NEWS– Gintagan hin pagdayaw ni House Committee on Higher and Technical Education Chair Rep. Jude Acidre an paglulunsar hin “TESDA Skills Passport,” nga subay ha iya napapanahon nga reporma para ha technical and vocational education and training (TVET) ha nasud.
Sumala kan Acidre, co-chair han EDCOM II, an nasabi nga online platform in direkta nga baton ha kaluyo han komisyon agud nga masolusyunan an “skills mismatch” ngan“underemployment” ha mga Pilipino.
Ha ilarom han Skills Passport han TESDA, an mga magtratrabaho in pwede na nga magtirok han ira training records, National Certificates (NC), ngan competencies ha usa nga secure nga digital platform nga maghahatag gihapon in access ha mga scholarship ngan job matching.
Ginduduso gihapon han manbaralaod an Enterprise-Based Education and Training (EBET) Framework Act agud nga mas mapadig-on pa an koordinasyon ha butnga an mga eskwelahan ngan mga kumpanya para ha apprenticeship ngan upskilling han mga magtratrabaho.
