NATIONAL NEWS— Gin-aprubaran na han Philippine Ports Authority (PPA) an paghitaas han terminal fee ha Batangas Port, subay ha PPA General Manager Atty. Jay Daniel Santiago.
Ginkompirma ni Santiago nga gintugutan han PPA Board an hangyo han Asian Terminal Inc. (ATI), an operator han Batangas Port, pero P60 la an gin-aprubar nga increase tikang ha P100 nga orihinal nga ginhahangyo han kumpanya.
Subay ha desisyon, igpapatuman an paghitaas ha duha ka tranche, syahan an P30 nga dugang tinikangan han Enero 1, 2026, ngan magigin P60 na an terminal fee.
Samtang ha Hulyo 1, 2026, igpapatuman naman an nasasalin nga P30 , sanglit magigin P90 na an kabug-usan nga terminal fee.
Ginsigurado naman ni Santiago nga umagi ine ha sakto nga proseso an pag-apruba han PPA Board ha nasabi nga dugang nga sukot pamasahe.
