ODD – Usa nga 19-anyos nga ulitawuhay tikang ha Spain an nagpakita hin kakaiba nga kakarit ha pagtatanom mahuman hine nga mapatubo an pinakamabug-at nga cantalope melon ha bug-os nga kalibutan nga mas mabug-at pa ha komon nga washing machine.
Ginkilala an ulitawuha kan Llorenç Soler Adrover, nga di pala maiha in nakaghipatik hin bag-o nga Guinness World Record mahuman nga umabot ha 31.44 kilo an iya gin harvest nga melon. Mas mabug-at pa ine kumpara ha 8-anyos nga bata, pati na gihapon ha usa nga adult Golden Retriever.
An iya dako nga cantaloupe melon in ginpakita dida han 2023 ha Rufino Pineda Mendoza Watermelon and Melon Competition ha Villanueva de la Serena, Spain. Nalabwan hine an anay rekord nga 30.47 kilo nga nahipatik dida han 2019.
Para kan Llorenç, personal nga kadaugan an makaghipatik hin panibag-o nga rekord ha kaluyo han bata nga edad.
Padayon naman nga naglalaum hi Llorenç nga magseserbi nga inspirasyon an iya istorya ha igkasi kabataan nga tagan hin importansya an agrikultura ngan mag-ambisyon hin kalugaringon nga kadaugan.
