TACLOBAN CITY – Pagdudumaron yana nga adlaw, Oktubre 5, an culmination activity han Teachers’ Month Celebration ha syudad han Tacloban.
Sumala kan Dr. Nilo Eder, Information Officer han Department of Education (DepEd) Tacloban City Division, dida pa han Setyembre 5 nagtikang an selebrasyon han Teachers Month ngan yana nga adlaw in pagbubuhaton nira an culmination activity hine.
Magkakamay-ada naman hin magkaduru-dilain nga aktibidadis nga pagbubuhaton ha Astrodome kun diin kaupod hine an parehos private ngan public nga mga eskwelahan han syudad tikang ha elementarya ngada ha high school.
An magigin highlight hine in amu an pagkilala han mga magturutdo ngan an mga importante ngan dako nga nahibulig han mga ine ha kabataan ngan eskwelahan.
Usa gihapon ha magigin highlight hine in an paghatag han mga awards ha mga outstanding teachers ngan non-teaching related personnel.
