TACLOBAN CITY-Nagdumara an Tacloban City Veterinary Office hin Catch Neuter Vaccinate and Release (CNVR) orientation ha Brgy. 57 White Lane Sampaguita han ika 26 han Pebrero.
Ginatenderan naman ine han mga opisyales ngan tinaglawas han nasabi nga barangay.
Tumong naman han aktibidad nga makakuha an mga umatener hin mas maupay nga pagintindi kanit hiton inisyatiba han opisina ha animal welfare ngan paglikay hiton rabies.
Ginkarawat naman an mga partisipante ni CVO Chief Dr. Eunice Alcantara samtang, ginpresenta ngan ginhisgutan ni Dr. Johdel Ty an mga detalye han programa
Ha lain naman nga bahin, nakapagbakuna ngan nakapagrehistro an opisina hin 51 ka hayop ha Brgy. 50 A, samtang 57 an nabakuna ngan narehistro ha Brgy. 50-B.
Photo Courtesy | TCVO
