TACLOBAN CITY – Padayon an gindudumarra nga pagbabantay han buhatan hiton Tacloban City Police Office TCPO, ha mga eskwelahan ha syudad kontra ha nahurak nga pan re-recruit hiton mga walhon nga grupo ha mga estudyante ilabi na yana nga nagpatuman na hin face to face classes.
Sumala kan PMAJ. Marjorie Manuta, Information Officer han TCPO, padayon an ira ginhihimo nga monitoring dire la ha illegal nga droga, magin ha anti-terrorist campaign in ira gintatagan hin bug-at, partikular na yana nga nagtikang na an klase ha kada eskwelahan hiton syudad.
Dugang pa han mao nga opisyal, tikang ha pagtikang han mag-abre an limited face to face classes mayda na nagpa pwesto nga kapulisan ha mga dagko nga eskwelahan hiton syudad, agud nga masigurado an katalwasan han mga ine.
Mababaruan nga numero uno nga gintatarget hiton mga walhon nga grupo in mga estudyante nga ira ig bri-brainwash an huna-huna kontra ha gobyerno ngan hinay hinay nga aaghaton nga magin miyembro han mga rebelde nga grupo o NPA.
