TACLOBAN CITY –– Ginpahuruhugot pa han Tacloban City Police Station 2/ Kawayan Community Precinct an gindudumara nga Oplan Sita ngan Disiplina ha norte nga parte han siyudad hiton Tacloban.
Ini in mahuman nga maobserbaran nga kadam-an han mga nahipapatik nga violators han health protocols ha siyudad in nagtitikang ha mga northern barangays.
Sumala kan PLt. Concas Castillo, Deputy Station Commander han Tacloban City Police Station 2/ Kawayan Community Precinct, nga matungod hiton kadamo han mga katawhan nga nag uukoy ha norte partikular na ha mga resettlement sites in nakukurian hira pansaway han pipira nga violators.
Matungod hini in mas ginpahuruhugot pa nira an gindudumara nga monitoring ha kada barangay agud nga masiguro nga magsusunod an mga ini ha mga health protocols.
