TACLOBAN CITY – Magdudugang hin mga kapulisan an Tacloban City Police Office (TCPO) ha norte nga dapit han Tacloban agud nga malikyan an pagkakaada hin mga riot ha mga kabataan.
Sumala kan PCol. Darwin Miranda, City Director han TCPO, nagdugang hira hin mga PNP personnel ha Police Station 3 sugadman nagbutang hin mga post ha magkalain-lain nga area ha Northern Baranggays.
Naghatag na gihapon hira hin instructions ha PS3 agud kahimangrawon an mga Brgy. Officials para mabuligan an mga kag-anak nga panginanuon hin maupay an ira tagsa mga anak.
Samtang, nagtutuo naman ini nga dapat pahuruhugutan pa an pagdudumara hin curfew ha mga kakalsadahan ha siyudad labi na norte nga dapit han Tacloban agud magkamayda hin kamurayawan an pag-ukoy han mga residente.
