-- Advertisements --
TACLOBAN CITY – Padayon nga naaraba an mga drivers hin taxi ha syudad han Tacloban tungod nga tubtob yana in waray la gihapon hira pakakabakdaw ha ira pakabuhi durot han nagpapadayon nga pandemya.
Sumala kan Julius Joseph Gondaya Polea, Operations Manager han Taxi Drivers ha Tacloban, nag-aalang pamasada an mga taxi drivers ha syudad tungod nga waray man gud may nananakay nga pasaheros labi na nga dire balik ha normal an flights ha airport.
Mahitungod hini, ha pagkayana an biyahe han mga drivers hin taxi ha syudad in nakadepende la kun may natawag ha ira nga mga pasaheros.
Ha pagkayana gihapon in maabot na ha P2 million an kalugian han ira kompanya tungod han pandemya nga durot han COVID-19.
