TACLOBAN CITY – Nakab-ot na hiton Commission on Election COMELEC-8, an ira target nga ihap han mga magpaparehistro ha bug-os nga rehiyon para ha Barangay ngan Sanguniang Kabataan (SK) Election 2023.
Sumala kan Atty. Nick Mendros, Regional Director han Commission on Election (COMELEC) Regional Office 8, ngatanan nga Munisipalidad in naka-hit han ira target nga ihap han mga magpaparehistro.
Ha syudad han Tacloban, in nakab-ot hine an target nga 5,000 ngan an mao nga ihap in sobra ha ira ginlalauman.
Dugang pa hine, bisan paman kun mayda la gihapon mga waray nakarehistro in nalabwan la gihapon nira an ira target nga ihap para yana nga piniliay.
Manunumduman nga naghuman na iton panrehistro han mga voters registration dida han ika-31 han naglabay nga bulan han Enero.
