ENTERTIANMENT NEWS– Namayagpag an pambato han Pilipinas nga hi Tarah Valencia ha preliminary evaluation han Miss Supranational 2025, nga gindumara han Hunyo 25, kun diin ginkita hine an kahusay ngan kumpyansa, sugadman karisma ha atubangan hiton mga international judges.
Ha Confidence Round, sul-ot ni Valencia an usa nga tangerine cutout one-piece swimwear nga himo han kilala nga Filipino designer nga hi Boom Sason, kun diin klarado an iya mala-coca-cola body.
Kahuman hine, iya naman ginpasikat ha Elegance Round an iya sul-ot nga skin-tone mermaid cut gown nga may busag nga tulle ha iya saya, ngan floor-length arm drape, disenyo naman ini ni Larry Espinosa, usa gihapon nga Filipino designer.
Samtang, ha iya Instagram post, ginpaangbit ni Valencia an iya kalugaringon kumo “Like grace that glides on water. A swan with white wings and quiet strength.”
Ugsa pa hine, kalakip gihapon hiya ha mga nanguna ha SupraModel competition, kun diin kalakip dinhe an mga kandidata tikang ha Asia ngan Oceania.
Mababaruan nga hi Valencia in 23 -anyos , ngan naglalaom nga maiuuli an ika-duha nga Miss Supranational crown para ha Pilipinas.
Nakatalaan naman nga pagdumaraon an coronation night ha Malopolska, Poland ha Hunyo 28 oras ha Pilipinas.
