-- Advertisements --
NATIONAL NEWS– Suportado ni Speaker Ferdinand Martin G. Romualdez an nagin desisyon ni Pangulong Ferdinand “Bongbong” R. Marcos Jr. nga ibanan an taripa nga ginhahatag ha imported nga bugas ngan himuon nala ine nga 15% tikang ha anay 35%.
Dugang pa hine, an paningkamot nga mapahamub-an an presyo han bugas in nasusubay ha panuyo han administrasyong Marcos Jr. nga himuon nga ma-aakos hiton mga konsumedor an presyo.
Ginmalatumat pa ni Speaker Romualdez, nga dire kinahanglan mabaraka an mga lokal nga parag-uma nga maibanan an bulig nga ira makakaraweat tikang ha gobyerno ha ilarom han Rice Competitiveness Enhancement Fund ha Republic Act No. 11203 o Rice Tariffication Law.
