TACLOBAN CITY– Na-arangkada na an ginpapatuman nga Local Public Transport Route Plan (LPTRP) hiton Tacloban – Campetic vice versa nga biyahe.
An nasabi nga route plan in kanit ha na-eksister nga Tacloban City Ordinance No. 2024-15-19 o an “Ordinance Adopting Local Public Transport Route Plan of the City of Tacloban.”.
Sumala kan Leo Templado,BOD/ Vice Chairman, TAMADOTCO, ine in usa gihapon nga joint memorandum han Department of Transportation ngan Department of Interior and Local Government.
Nanawagan hi Templado, nga mahimuan hin pamaagi hiton mga hintutuinan, an nasabi nga himangrawon, matungod nga apektado dinhi adton mga estudyante, ngan mantratrabaho nga namamasahi, kun diin ginbabana-bana han mga ine nga posible mag-tulo kasakay an mga commuters ugsa nga mahidangat ha ira distinasyon.
Naghangyo naman ine ha iya igkas-driver nga magsunod nala anay an mga ine ha ginpapatuman nga aludayday hiton hintutuinan, matungod nga iya na ine aasikasuhon ha legislative hiton syudad han Tacloban, agud nga pamatian an mga araba hiton mga drivers, commuters ngan mantratrabaho.
