Waray gingamit ni Japanese Prime Minister Sanae Takaichi an pulong nga “pagbasol” ha iya talumpati ha tinuig nga seremonya han pagdumdum ha mga namatay han gyera ha ika-81 nga anibersaryo han World War 2 dida han Sabado.
Sumala hini nga ginbuhat niya ini kumo konsiderasyon ha iya mga konserbatibo nga kaalyado ngan tagasuporta.
Manunumduman nga gingamit an pulong nga pagbasol han anay PM nga hi Tomiichi Murayama ha seremonya dida han 1994, pero dida la han 2025, ha sakob han 13 ka-tuig gingamit ini ni Shigeru Ishiba, an ginsundan ni Takaichi, ha iya talumpati.
Labot la hini, ginlikayan gihapon ni Takaichi nga igpahayag an pagbaton han Japan ha pag-atake hini ha iba nga nasud ha Asya dida han panahon han World War 2. Imbes, gintagan-duon niya nga usa nga malalauman nga kaalyado an nasud Japan ha mga rehiyon ha Indo-Pacific.
