INTERNATIONAL – Ginpadara han Taiwan an ira pwersa kasunod han anunsyo han China nga magdumara hin live-fire drills ha gawas han isla.
Subay han Taiwan defense ministry, mahugot nira nga ginkokondina an nasabi nga exercises han China mahitungod nga gintutudlok nira ini nga delikado nga aksiyon.
Dugang pa nira, nagdeploy an China hin 32 nga aircraft ngan ginpalibutan an Taiwan kumo parte han joint combat drill.
Kasumpay hini, iginpahayag han China nga magdudumara hira hin live-fire exercises ha lugar nga aada la ha 40 nautical miles an kaharayo tikang ha usa nga parte han Taiwan.
Mahitungod hini, napiritan an Taiwan nga magpadara hin pwersa-militar ha kadagatan, kahanginan, ngan ha tuna, kun diin tanan nga ira assets in naka-alerto ngan mahugot nga ginbabantayan an mao nga aktibidad han China.
