INTERNATIONAL NEWS– Gintawag han Taiwan nga hypocritical ngan hulga a seguridad an China mahuman an nagin pahayag han top diplomat han Beijing ha Munich Security Conference.
Ine an nagin resbak ni Taiwan Foreign Minister Lin Chia-lung ha speech ni Chinese Foreign Minister Wang Yi, kun diin gin-akusaran hine han nakalabay an iba nga nasud nga nagprobar nga pagbulagon an Taiwan tikang ha China.
Butang naman nga ginpanhimuwa ni Lin an pahaag ni Wang nga ginpapangunahan hiton Beijing an kamurayaw ha ilarom han U.N. Charter principles.
Dugang pa han opisyal, an aksyon han China in nagpapakita hin usa nga hegemonic mindset nga dire sakto ha ira mga pulong.
Gindig-unan gihapon han Taiwan nga subay ha kasaysayan ngan international law, an soberanya han isla in dire magpapailarom ha People’s Republic of China.
Manunumduman, nagdumara hin mass war games an Chinese military harani haTaiwan han nakalabay nga Disyembre, samtang padayon naman an daily operations hanira pwersa ha palibot hiton isla.
