TACLOBAN CITY – Naglalaum an Tagmangulo han Tacloban nga unta waray may mahipatik nga kaso hin tipdas ha syudad.
Sumala kan Dr. Jaime Opinion, tagmangulo han City Health Office ( CHO ) nga ha pagkayana nga tuig, negatibo pa nga naapektaran han tipdas an syudad ha kaluyo han mahugot nga kampanya na ira guindudumara ha magkadirudilain nga mga barangay.
May kalabutan hini, guin aghat ni Dr. Opinion an mga kag-anak nga igpa bakuna an ira mga anak ha pinakaharani nga health center para diri matapnan han mao nga sakit.
Guinklaro naman ni Opinion nga waray gud kalabutan an dengue vaccination o dengvaxia ha immunizatiuon kumpara ha immunization ha tipdas amo nga kinahanglan nga wad-on an negatibo nga panhuna-huna ha kun ano man nga dagum an guintuturok ha lawas han usa na tawo.
Mababaruan nga lakip ha mga apektado han tipdas ha pagkayana an probinsya han Southern Leyte ngan Biliran.
